ദുബായ്: ദുബായിയുടെ വിവിധ ഭാഗങ്ങളിൽ കനത്ത മഴ. ദുബായിലെ താമസക്കാർക്കായി ദുബായ് പോലീസ് എമർജൻസി നമ്പറും പുറപ്പെടുവിച്ചിട്ടുണ്ട്. അടിയന്തര സാഹചര്യങ്ങൾ ആണെങ്കിൽ 999 എന്ന നമ്പറിലേക്കും നോൺ എമർജൻസിസ് ആണെങ്കിൽ 901 എന്ന നമ്പറിലും ബന്ധപ്പെടാം. കനത്ത മഴയെ തുടർന്നുണ്ടാകുന്ന ബുദ്ധിമുട്ടുകൾ നേരിടുന്നവർക്ക് ഈ നമ്പറിൽ വിളിച്ച് സഹായം അഭ്യർത്ഥിക്കാം. കനത്ത മഴയ്ക്കും ഇടിമിന്നലിനും സാധ്യതയുള്ളതിനാൽ യുഎഇ സെന്റർ ഫോർ മെറ്റീരിയോളജി ഓറഞ്ച് അലർട്ട് പ്രഖ്യാപിച്ചിട്ടുണ്ട്. ശക്തമായ കാറ്റും ഉണ്ടായേക്കാം. കടൽ പ്രക്ഷുബ്ധം ആകാനിടയുണ്ടെന്നും പൊടിക്കാറ്റിന് സാധ്യതയുണ്ടെന്നും കാലാവസ്ഥാ നിരീക്ഷണ കേന്ദ്രം കൂട്ടിച്ചേർത്തു.