ഫുജൈറ: ഫുജൈറയിൽ ഇന്നലെയുണ്ടായ വാഹനാപകടത്തിൽ മൂന്ന് മലയാളികൾ മരിച്ചു. മരിച്ചത് ഒരു കുടുംബത്തിലെ അം​ഗങ്ങൾ. മുഹമ്മദ്‌ അസ്മിൽ (21), മിസ്ന ജുബിൻ (21), മുഹമ്മദ്‌ ഫായിസ് (3) എന്നിവരാണ് മരിച്ചത്. കുടുംബത്തിലെ ഏഴ് പേർ വാഹനത്തിൽ ഉണ്ടായിരുന്നു. ഫുജൈറ പ്രവേശന കവാടത്തിന് സമീപം ഷെയ്ഖ് ഖലീഫ ബിൻ സായിദ് സ്ട്രീറ്റിലുണ്ടായ വൻ വാഹനാപകടത്തിൽ നിരവധി പേർ മരിക്കുകയും ഏതാനും പേർക്ക് പരിക്കേൽക്കുകയും ചെയ്തു. ഇന്ന് വ്യാഴാഴ്ച പുലർച്ചെ (അർദ്ധരാത്രിക്ക് തൊട്ടുപിന്നാലെ) ട്രക്കും മറ്റ് നിരവധി വാഹനങ്ങളും കൂട്ടിയിടിച്ചാണ് അപകടമുണ്ടായതെന്ന് ഫുജൈറ പോലീസ് അറിയിച്ചു.വിവരം ലഭിച്ചയുടൻ ഫുജൈറ പോലീസ്, ആംബുലൻസ്, സിവിൽ ഡിഫൻസ് സംഘങ്ങൾ സ്ഥലത്തെത്തി രക്ഷാപ്രവർത്തനത്തിന് നേതൃത്വം നൽകി. പരിക്കേറ്റവർക്ക് പ്രാഥമിക ശുശ്രൂഷ നൽകിയ ശേഷം വിദഗ്ദ്ധ ചികിത്സയ്ക്കായി ആശുപത്രികളിലേക്ക് മാറ്റി.അപകടകാരണം കണ്ടെത്താൻ പോലീസ് വിശദമായ അന്വേഷണം ആരംഭിച്ചു. റോഡിൽ വേഗപരിധി പാലിക്കണമെന്നും വാഹനങ്ങൾ തമ്മിൽ സുരക്ഷിതമായ അകലം പാലിക്കണമെന്നും ഫുജൈറ പോലീസ് ഡ്രൈവർമാരോട് അഭ്യർത്ഥിച്ചു.