ദുബൈ: യുഎഇ വിപണിയിൽ ഐഫോൺ 18 സീരീസിന് മികച്ച തുടക്കം. ഔദ്യോഗിക വിൽപന വെള്ളിയാഴ്ച ആരംഭിച്ചപ്പോൾ തന്നെ വലിയ തിരക്കാണ്​ അനുഭവപ്പെട്ടു. ആപ്പിൾ സ്​റ്റോറുകളിലും ഇലക്​ട്രോണിക്സ്​ റീട്ടെയിൽ ശൃംഖലയിലും ആദ്യം തന്നെ ഫോൺ സ്വന്തമാക്കാൻ നിരവധി പേരാണ്​ എത്തിയത്​. പലരും പുലർച്ച തന്നെ സ്​റ്റോറുകൾക്ക്​ മുന്നിലേക്ക്​ എത്തി. ഐ ഫോൺ 18 പ്രോ, പ്രോ മാക്സ്​ മോഡലുകൾക്ക്​ വലിയ ഡിമാൻഡ്​ ആണ്​ അനുഭവപ്പെടുന്നത്​. ആപ്പിൾ സ്റ്റോറുകൾക്ക് പുറമെ രാജ്യത്തെ വിവിധ പ്രമുഖ ഇലക്ട്രോണിക്സ് റീട്ടെയിൽ ശൃംഖലകളിലും മോഡലുകൾ ലഭ്യമാണ്. 512 ജിബി വേരിയന്‍റിനാണ് ഏറ്റവും കൂടുതൽ ആവശ്യക്കാർ. പ്രീ-ഓർഡർ കാലയളവിൽ വളരെ ശക്തമായ പ്രതികരണമാണ് ലഭിച്ചത്​. ബർഗണ്ടി നിറത്തിനാണ് വീണ്ടും കൂടുതൽ ആവശ്യക്കാരുള്ളത്.കഴിഞ്ഞ വർഷം ഐഫോൺ 17 പുറത്തിറക്കിയപ്പോഴുണ്ടായ ശക്തമായ പ്രതികരണത്തിന്റെ തുടർച്ചയാണ് ഇത്തവണയും കാണുന്നത്. ഐഫോൺ 18 പ്രോ, പ്രോ മാക്സ് എന്നിവയുടെ പ്രീ-ഓർഡർ വിൽപന ആരംഭിച്ച് 20 മിനിറ്റിനുള്ളിൽ ഓൺലൈനിലെ സ്റ്റോക്ക് തീർന്നിരുന്നു.

ആപ്പിളിന്‍റെ ആദ്യ മടക്കാവുന്ന ഐഫോൺ ഡുവോക്ക്​ യുഎഇ ഉപഭോക്താക്കൾക്കിടയിൽ വലിയ താൽപര്യമാണെന്ന് റീട്ടെയിലർമാർ പറയുന്നു.അടുത്ത മാസം വിപണിയിലെത്തുമെന്ന് പ്രതീക്ഷിക്കുന്ന മോഡലിന്റെ പ്രീ-ഓർഡർ ഒക്ടോബർ 16ന് ആരംഭിക്കും. ഒക്ടോബർ 23ന് വിൽപന തുടങ്ങും. പ്രാരംഭ വില 8,499 ദിർഹമാണ്​. 13,599 ദിർഹം വരെ ഉയർന്ന വേരിയന്‍റിന്​ നൽകേണ്ടി വരുമെന്നും റി​​​പ്പോർട്ടുണ്ട്​. ആപ്പിളിന്‍റെ മടക്ക്​ ഫോൺ വാങ്ങാൻ വരെ വിലയുണ്ടാകുമെന്നും റിപ്പോർട്ടിൽ പറയുന്നു.പുതിയ ഫോൾഡബിൾ മോഡലിനായി ചില ഉപഭോക്താക്കൾ നിലവിലെ ഐഫോൺ വാങ്ങുന്നത് മാറ്റിവെക്കുന്നുമുണ്ട്​.