ഷാർജ: ഷാർജയിലെ പബ്ലിക്, ഗവൺമെന്റ് ലൈബ്രറികളിലേക്ക് പുതിയ പുസ്തകങ്ങൾ വാങ്ങുന്നതിനായി 4.5 മില്യൺ ദിർഹം അനുവദിച്ച് സുപ്രീം കൗൺസിൽ അംഗവും ഷാർജ ഭരണാധികാരിയുമായ ഷെയ്ഖ് ഡോ. സുൽത്താൻ ബിൻ മുഹമ്മദ് അൽ ഖാസിമി. എക്സ്പോ സെന്ററിൽ നടക്കുന്ന 45-ാമത് ഷാർജ അന്താരാഷ്ട്ര പുസ്തകോത്സവത്തിൽ പങ്കെടുക്കുന്ന വിവിധ പ്രസാധകരിൽ നിന്നാണ് ലൈബ്രറികളിലേക്ക് ആവശ്യമായ പുതിയ പുസ്തകങ്ങൾ വാങ്ങുക. വായനക്കാർക്കും വിദ്യാർത്ഥികൾക്കും ഗവേഷകർക്കും പുതിയ അറിവുകൾ ലഭ്യമാക്കാനും, പുസ്തക പ്രസാധന മേഖലയെ പ്രോത്സാഹിപ്പിക്കാനും ലക്ഷ്യമിട്ടാണ് ഭരണാധികാരിയുടെ ഈ തീരുമാനം.