പൾമണോളജിസ്റ്റായ ഡോ. സായിചരൻ ജി. ബോഡി, പരമ്പരാഗത-ആധുനിക ആരോഗ്യ പരിപാലന രീതികൾ സംയോജിപ്പിക്കുന്ന തിന്റെ യും, പ്രത്യേകിച്ച് ശ്വാസകോശ ആരോഗ്യത്തിനായി യോഗാഭ്യാസങ്ങൾ ഉൾപ്പെടുത്തുന്നതിന്റെയും പ്രാധാന്യത്തെ ക്കുറിച്ച് സംസാരിച്ചു. ദീർഘകാല രോഗാവസ്ഥകൾ കൈകാര്യം ചെയ്യുന്നതിൽ ധ്യാനത്തിന്റെയും മർമ്മ ചികിത്സയുടെയും പങ്ക് ജനറൽ പ്രാക്ടീഷണറായ ഡോ. വീണ പ്രമോദ് വിശദീകരിച്ചു. ഈ മേഖലയിലെ ആയുർവേദ ചികിത്സാ രീതികളെക്കുറിച്ച് ചർച്ച ചെയ്ത ആയുർവേദ ഡോക്ടർ ഷിജി സന്തോഷ്, സംയോജിത മാതൃകയുടെ ഗുണങ്ങൾ എടുത്തു പറഞ്ഞു. സംയോജിത ചികിത്സാ സംവിധാനത്തിൽ, പ്രത്യേകിച്ച് ആയുർ വേദത്തിൽ, ആർട്ടിഫിഷ്യൽ ഇന്റലിജൻസ് (AI) കൊണ്ടുവരുന്ന ഗുണ ദോഷങ്ങളെക്കുറിച്ച് ഡോ. ഐൻഷ ഹുദ സംസാരിച്ചു. കുടലിന്റെ ആരോഗ്യത്തിൽ TCAM-നുള്ള (പരമ്പരാഗത, പൂരക, ഇതര വൈദ്യശാസ്ത്ര രീതികൾ) പ്രാധാന്യത്തെക്കുറിച്ച് നാച്ചുറോപ്പത്തും ഫങ്ഷണൽ മെഡിസിൻ പ്രാക്ടീഷണറുമായ ഡോ. ശരണ്യ മായാദേവി സംസാരിച്ചു. TCAM-ഉം ആധുനിക വൈദ്യശാസ്ത്രവും (conventional medicine) സംയോജിപ്പിച്ചുള്ള ഒരു മാതൃകയെക്കുറിച്ച് ഹോമിയോപ്പത്ത് ഡോ. നാദിയ അബ്ദുൾ റഫീഖ് ചർച്ച ചെയ്തു. പരിപാടിയിലെ മികച്ച പങ്കാളി ത്തവും സജീവമായ ഇടപെടലുകളും യു. എ. ഇ. യുടെ ആരോഗ്യമേഖലയിൽ ആയുർവേദത്തെ സംയോജിപ്പിക്കുന്നതിനുള്ള അനുകൂലമായ മുന്നേറ്റത്തെയാണ് സൂചിപ്പിക്കുന്നതെന്ന് ഭാരവാഹികൾ പറഞ്ഞു. ചികിത്സകർ, ക്ലിനിക്ക് ഉടമകൾ, മരുന്ന് വിതരണക്കാർ, ആരോഗ്യ മേഖലയിലെ ബിസിനസ്സ് പ്രമുഖർ എന്നിവരടങ്ങുന്ന വർക്കിംഗ് ഗ്രൂപ്പുകൾ രൂപീകരിക്കുന്നതിനുള്ള നടപടികൾ പുരോഗമിക്കുകയാണെന്നും ഭാരവാഹികൾ അറിയിച്ചു.