അൽ ഐൻ: WMC അൽ ഐൻ  പ്രൊവിൻസിന്റെ ഈ വർഷത്തെ ഓണാഘോഷം ‘പൊന്നൂഞ്ഞാൽ 2026’ എന്ന പേരിൽ അൽ ഐനിലെ തവാം റിക്രിയേഷൻ സെന്റരിൽ വിപുലമായി സംഘടിപ്പിച്ചു. WMC ഗ്ലോബൽ ചെയർമാൻ  ഡോ. ഐസക് ജോൺ പട്ടാണിപ്പറമ്പിൽ ആഘോഷപരിപാടികൾ ഉദ്ഘാടനം ചെയ്തു. WMC- യുടെ വിവിധ പ്രൊവിൻസുകളിൽ നിന്നുള്ള പ്രതിനിധികളും അൽ ഐനിലെ പ്രമുഖ സംഘടനകളുടെ പ്രതിനിധികളും ചടങ്ങിൽ പങ്കെടുത്തു. ഓണത്തിന്റെ ആവേശം പകരുന്ന വിവിധ കലാ-കായിക പരിപാടികൾ ആഘോഷത്തിന് മാറ്റുകൂട്ടി. ഗെയിംസ്, കലാപരിപാടികൾ, വടംവലി തുടങ്ങിയ മത്സരങ്ങളും സംഘടിപ്പിച്ചു. വിവിധ മേഖലകളിൽ നിന്നുള്ള WMC അംഗങ്ങളുടെയും കുടുംബാംഗങ്ങളുടെയും സജീവ പങ്കാളിത്തത്തോടെ നടന്ന ആഘോഷം കൂട്ടായ്മയുടെയും സൗഹൃദത്തിന്റെയും ഓണസന്ദേശം പകർന്നുനൽകി.