ആഗസ്റ്റ് 27 നാണ് അബൂദബി ഫെഡറൽ അപ്പീൽ കോടതിയിലെ സൈബർ ക്രൈം സർക്യൂട്ട് അബ്ദുറഹ്‌മാൻ ഖറദാവി കുറ്റക്കാരനാണെന്ന് കണ്ടെത്തി ശിക്ഷ വിധിച്ചത്. പൊതു സുരക്ഷ ദുർബലപ്പെടുത്താൻ ലക്ഷ്യമിട്ടുള്ള പ്രവർത്തനങ്ങളിൽ ഏർപ്പെട്ടുവെന്നതായിരുന്നു ചുമത്തിയ കുറ്റം. തുടർന്ന് പ്രസിഡന്റിന്റെ മാപ്പിനായുള്ള നടപടിക്രമങ്ങൾ കൈകൊള്ളുകയായിരുന്നു. ഗൾഫ് രാജ്യങ്ങൾക്കെതിരായ പരാമർശങ്ങളുടെ പേരിൽ 2024 ലാണ് അബ്ദുറഹ്‌മാൻ അൽ ഖറദാവി അറസ്റ്റിലായത്. ശേഷം 2025 ജനുവരി 10 ന് ലെബനൻ അധികൃതരിൽ നിന്ന് യുഎഇ കസ്റ്റഡിയിലെടുക്കുകയായിരുന്നു.