അബുദാബി: കേരളം പിറവിയുടെ ഭാഗമായി “ഏകം എന്റെ കേരളം”  എന്ന സംഗീത വിരുന്നൊരുക്കി അബുദാബിയിലെ ഒരു കൂട്ടം കലാകാരൻമാർ. മലയാള സംഗീതലോകത്തെ പ്രഗത്ഭരാണ് അണിനിരക്കുന്നത്. ഫോറസ് മീഡിയയും ആർ ഈ ഫൺ വില്ലയും ചേർന്ന് മലയാളികൾക്കായി, കേരളത്തിനായി സംഗീത സമർപ്പണം ഒരുക്കുന്നത്. ഷോബി കണ്ണങ്കാറ്റിന്റെ വരികൾക്ക് മെജോ ജോസഫ് ആണ് സംഗീതം നിർവഹിച്ചിരിക്കുന്നത്. മധു ബാലകൃഷ്ണൻ , സിതാര കൃഷ്ണകുമാർ, നജിം അർഷാദ് , ചിത്ര അരുൺ,മെജോ ജോസഫ് , വിഷ്ണു ഗോപാൽ വി എസ് , ഹംബിൾ മനു , മഞ്ജുഷ , റെനിമോൾ റൊണസ് , റൊണസ്  ജെ ആലപ്പാട്ട് , റോജസ് ജെ ആലപ്പാട്ട് എന്നിവരാണ് ഗാനം ആലപിച്ചിരിയ്ക്കുന്നത്.

കേരളത്തിന്റെ ഭംഗി നൂതന എ ഐ ദൃശ്യമികവോടെയാണ് സംഗീത വിരുന്നിലൂടെ ഒരുങ്ങുന്നത്. കേരളത്തിന്റെ ആത്മാവിനെയും സൗന്ദര്യത്തെയും മനോഹരമായി വിഡിയോയിൽ ആവിഷ്കരിച്ചിട്ടുണ്ട്. കായലും, വയലുകളും, മഞ്ഞുമൂടിയ മലനിരകളും, കുന്നുകളും നിറഞ്ഞുനിൽക്കുന്ന കേരളമാണ് വിഡിയോയിൽ കാണാൻ സാധിക്കുക. റൊണസ്  ജെ ആലപ്പാട്ട് , റോജസ് ജെ ആലപ്പാട്ട് എന്നിവരാണ് ഈ സംഗീത ദൃശ്യ ആശയത്തിന് പിന്നിൽ പ്രവർത്തിച്ചത്. കേരളത്തിന്റെ മനോഹരമായ  ഭൂപ്രകൃതികളും സാംസ്കാരിക സൗന്ദര്യവും പ്രതിഫലിപ്പിക്കുന്നതാണ് സംഗീത വിഡിയോ