എ ഡി എം വനിതാ ചർച്ചാപാനലിൽ കണ്ണൂരിലെ പ്രശസ്ത എഴുത്തുകാരനും അധ്യാപകനുമായ കുക്കാനം റഹ്മാന്റെ രണ്ട് പുസ്തകങ്ങൾ പ്രകാശിതമായി.
പരിപാടിക്ക് പ്രൗഢിയും ഗൗരവവും നൽകി. ചടങ്ങിൽ പ്രശസ്ത എഴുത്തുകാരനും അധ്യാപകനുമായ കുക്കാനം റഹ്മാൻ രചിച്ച രണ്ട് പുസ്തകങ്ങൾ – “ഒരധ്യാപകൻ്റെ ജന്മം “, “അവൾ അവളുടെ കഥ പറയുന്നു ” എന്നീ പുസ്തകങ്ങൾ ശ്രീമതി റഹ്മത്തിൽ നിന്നും എഴുത്തുകാരിയും പ്രിൻസിപ്പാളുമായ ഡോ. ഹസീനാ ബീഗം ഏറ്റുവാങ്ങി. ഐ വ്യൂ പബ്ലിക്കേഷൻസ് ആണ് അവൾ അവളുടെ കഥ പറയുന്നു എന്ന നോവലിൻ്റെ പ്രസാധകർ.
“ഒരധ്യാപകൻ്റെ ജന്മം “- എന്ന ആത്മകഥ പായൽ ബുക്ക്സ് ആണ് പ്രസാധകർ. ഈ പുസ്തകത്തിൻ്റെ രണ്ടാം പതിപ്പും പുറത്തിറങ്ങി. സത്യസന്ധമായ നേർചിത്രങ്ങളായി വേറിട്ട ആഖ്യാന ശൈലിയിലൂടെ പൊടിപ്പും തൊങ്ങലുകളുമില്ലാതെ വരച്ചിരിക്കുന്ന ആത്മകഥ. അറിവിനെയും വായനാസംസ്കാരത്തെയും പ്രോത്സാഹിപ്പിക്കുന്ന ഈ ചടങ്ങ് സദസിന്റെ ശ്രദ്ധയാകർഷിച്ചു. എ ഡി എം പ്രസിഡന്റ് വിദ്യ നിഷാൻ, ജോയിന്റ് സെക്രട്ടറി നാദിയ, ലേഡീസ് കൺവീനർ ഫാത്തിമ ഷിൻസി, എന്നിവരുടെ നേതൃത്വത്തിലാണ് ചടങ്ങ് സംഘടിപ്പിച്ചത്. ഫലപ്രദമായ പാരൻ്റിംഗ് എന്ന വിഷയത്തിൽ ഡോ. ഹസീനാ ബീഗവും , യോഗയും സമഗ്ര ആരോഗ്യവും എന്ന വിഷയത്തിൽ ഡോ. ബൽക്കീസും , സ്ത്രീകളുടെ ആരോഗ്യവും ജീവിത ശൈലിയും എന്ന വിഷയത്തിൽ ഡോ. അനു മാത്യൂസും ക്ലാസെടുത്തു.
