അബുദാബി :  അൽ ഐൻ മലയാളി സമാജം ഒരുക്കുന്ന  “ഉത്സവം” എന്ന കലാമാമാങ്കത്തിൻ്റെ പന്ത്രണ്ടാം എഡിഷൻ നവംബർ 29 ശനിയാഴ്ച വൈകിട്ട് 7 മണി മുതൽ അൽ ഐൻ ഇന്ത്യൻ സോഷ്യൽ സെൻ്റർറിൻ്റെ അങ്കണത്തിൽ നടക്കും. കേരളത്തിലെ 14 ജില്ലകളിലെ കലാരൂപങ്ങളെയും നവോത്ഥാന നായകന്മാരേയും ആസ്പദമാക്കി കോർത്തിണക്കിയ  ദൃശ്യവിരുന്നിനോടൊപ്പം യു എ ഇ യുടെ  54ാമത് ദേശീയദിനത്തോടനുബന്ധിച്ച പരിപാടികളും ഉണ്ടായിരിക്കും. ചെണ്ടമേളം, വിവിധ കലാപരിപാടികൾ , ഭക്ഷണസ്റ്റാളുകൾ , വിനോദ മത്സരങ്ങൾ തുടങ്ങി കേരളത്തിലെ ഉത്സവാന്തരീക്ഷത്തെ പുനഃരാവിഷ്‌ക്കരിക്കുന്ന  പരിപാടികളാകും നടക്കുക.