ഇന്ത്യാ ഫെസ്റ്റിന്റെ പ്രവേശന കൂപ്പൺ നടി ഹണി റോസ് പുറത്തിറക്കി.
അബുദാബി: അബുദാബി ഇന്ത്യ സോഷ്യൽ ആൻഡ് കൾചറൽ സെന്റർ സംഘടിപ്പിക്കുന്ന ഇന്ത്യാ ഫെസ്റ്റിന്റെ പ്രവേശന കൂപ്പൺ നടി ഹണി റോസ് പുറത്തിറക്കി. ഡിസംബർ 12 മുതൽ 14 വരെ വൈകിട്ട് 6 മുതൽ രാത്രി 11:30 വരെയാണ് ഇന്ത്യാ ഫെസ്റ്റ് നടത്തുക. പ്രസിഡന്റ് ജയചന്ദ്രൻ നായർ, ജനറൽ സെക്രട്ടറി പി. സത്യബാബു, വൈസ് പ്രസിഡന്റും ഇന്ത്യ ഫെസ്റ്റ് ജനറൽ കൺവീനറുമായ വി.കെ. ഷാജി തുടങ്ങിയവർ ചടങ്ങിൽ പങ്കെടുത്തു. സാംസ്കാരിക പ്രദർശനങ്ങൾ, വിനോദ, വിജ്ഞാന, സംഗീത, നൃത്ത ഹാസ്യ പരിപാടികൾ, വിവിധ സംസ്ഥാനങ്ങളിൽ നിന്നുള്ള ഭക്ഷണ വിഭവങ്ങൾ, പുസ്തക ശാലകൾ തുടങ്ങി ഒട്ടേറെ പരിപാടികളാണു ഫെസ്റ്റിൽ ഒരുക്കിയിരിക്കുന്നത്. കമ്യൂണി റ്റി വർഷാചരണത്തിന്റെ ഭാഗമായി ഇത്തവണത്തെ ഇന്ത്യാഫെസ്റ്റ് കമ്യൂണിറ്റി ഫെസ്റ്റിവലായി ആഘോഷിക്കുമെന്നും സംഘാടകർ അറിയിച്ചു.കൂടുതൽ വിവരങ്ങൾക്ക് 02-673 0066 എന്ന നമ്പറിൽ ബന്ധപ്പെടാം.