യുഎഇയിൽ നഗരാതിർത്തികളിലേക്കും റീട്ടെയ്ൽ സാന്നിദ്ധ്യം വിപുലമാക്കി ലുലു ; റാസൽഖൈമ ഗലീല മാളിൽ എക്സ്പ്രസ് സ്റ്റോർ തുറന്നു
റാസൽഖൈമ: നഗരാതിർത്തികളിലേക്കും റീട്ടെയ്ൽ സാന്നിദ്ധ്യം വിപുലമാക്കന്നതിന്റെ ഭാഗമായി റാസൽഖൈമ ഗലീല മാളിൽ ലുലു എക്സ്പ്രസ് സ്റ്റോർ തുറന്നു. ലുലു ഗ്രൂപ്പ് ചെയർമാൻ എം.എ യൂസഫലിയുടെ സാന്നിദ്ധ്യത്തിൽ റാസൽഖൈമ കിരീടാവകാശിയുടെ ഓഫീസ് ഡയറക്ടർ ഷെയ്ഖ് അർഹാമ ബിൻ സൗദ് ബിൻ ഖാലിദ് അൽ ഖാസിമി ലുലു എക്സ്പ്രസിന്റെ ഉദ്ഘാടനം നിർവ്വഹിച്ചു.നഗരാതിർത്തികളിലേക്കുമം റീട്ടെയ്ൽ സേവനം വിപുലമാക്കുന്നതിന്റെ ഭാഗമായാണ് റാസൽഖൈമ ഗലീല മാളിൽ ലുലു എക്സ്പ്രസ് സ്റ്റോർ എന്ന് എം.എ യൂസഫലി വ്യക്തമാക്കി. കൂടുതൽ മേഖലകളിലേക്ക് റീട്ടെയ്ൽ സാന്നിദ്ധ്യം വർധിപ്പിക്കുമെന്നും അദേഹം പറഞ്ഞു.19,200 സ്ക്വയർ ഫീറ്റിലുള്ള ലുലു എക്സ്പ്രസ് സ്റ്റോറിൽ ദൈനംദിന ഉത്പന്നങ്ങളുടെ മികച്ച ശേഖരമാണ് ഉള്ളത്. ഗ്രോസറി, ഫ്രഷ് ഫുഡ്, ബേക്കറി, റോസ്റ്ററി, പഴം പച്ചക്കറി, ബ്യൂട്ടി പ്രൊഡ്ക്ട് തുടങ്ങിയവ അടക്കം മികച്ച നിരക്കിലാണ് ലഭ്യമാക്കിയിരിക്കുന്നത്. ഉദ്ഘാടനത്തോട് അനുബന്ധിച്ച് മികച്ച ഓഫറുകളും ഉണ്ട്. ഷോപ്പിങ്ങ് സുഗമമാക്കാൻ സെൽഫ് ചെക്ക് ഔട്ട് കൗണ്ടറുകൾ, മികച്ച പാർക്കിംഗ് ഏരിയയും സജ്ജമാണ്.
ഉപഭോക്താകൾക്ക് ഏറ്റവും മികച്ച റമദാൻ ഷോപ്പിങ്ങ് കാലം ഉറപ്പാക്കുമെന്ന് എം.എ യൂസഫലി :
റമദാൻ കാലത്ത് ലുലു സ്റ്റോറുകളിൽ വിലവർധനവ് ഉണ്ടാകില്ലെന്നും മികച്ച വിലസ്ഥിരത ഉറപ്പാക്കിയുണ്ടെന്നും ലുലു ഗ്രൂപ്പ് ചെയർമാൻ എം.എ യൂസഫലി. കുറഞ്ഞ നിരക്കിൽ മികച്ച ഉത്പന്നങ്ങൾ എല്ലാ ലുലു സ്റ്റോറുകളിലും ലഭ്യമാക്കിയിട്ടുണ്ട്. ഏറ്റവും മികച്ച റമദാൻ ഷോപ്പിങ്ങ് കാലമാണ് ഉപഭോക്താകൾക്ക് ലുലു നൽകുന്നതെന്നും അദേഹം വ്യക്തമാക്കി.27ലധികം രാജ്യങ്ങളിലെ സംഭരണ കേന്ദ്രങ്ങൾ വഴി ആഗോള ഉത്പന്നങ്ങളുടെ ശേഖരമാണ് റമദാന് ലുലു ഒരുക്കിയിരിക്കുന്നത്. ഉത്പന്നങ്ങൾക്ക് 65 ശതമാനം വരെയാണ് കിഴിവ്. അവശ്യ ഉത്പന്നങ്ങൾക്ക് വിലസ്ഥിരതയും ഏർപ്പെടുത്തിയിട്ടുണ്ട്.ലുലു ഗ്രൂപ്പ് എക്സിക്യൂട്ടീവ് ഡയറക്ടർ അഷറഫ് അലി എം.എ, ഗ്ലോബൽ ഓപ്പറേഷൻസ് ഡയറക്ടർ സലിം എം.എ, മാർക്കറ്റിങ്ങ് ആൻഡ് കമ്മ്യൂണിക്കേഷൻസ് ഡയറക്ടർ വി നന്ദകുമാർ, ഗ്ലോബൽ ഓപ്പറേഷൻസ് ഡയറക്ടർ ഷാബു അബ്ദുൾ മജീദ് തുടങ്ങിയവരും ചടങ്ങിൽ ഭാഗമായി
